Sosialy

Ady amin’ny herisetra mahazo ny vehivavy Zandary 40 no nanaovana fanentanana

Sosialy
Talata 03 Desambra 2019

Ny 30 %-n’ ireo vehivavy 13 ka hatramin’ny 49 taona no efa niaina herisetra eto amintsika.

Ankoatra ny herisetra ara-tsaina mahazo ny vehivavy izay mitana ny laharana voalohany dia manaraka izany ny herisetra ara-batana toy ny vono sy ny daroka. Anisan’ny tena mateti-pitranga koa ny siotsiokan’ireo lehilahy rehefa mahita vehivavy manao zipo fohy, ny teny maharary hataony eny an-dalambe….Manoloana izany dia miezaka hatrany ny tetikasa Sahala sy ny Ong C for C manentana ireo lehilahy eny anivon’ny fiaraha-monina hahafahana mampihena izany taha izany. Ireo zandary miisa 40 tetsy amin’ny toby Ratsimandrava indray omaly no nanaovan’izy ireo fanentanana manokana mba hahafahany mampita izany any amin’ny namany sy ny fianakaviany. Tsiahivina moa fa tafiditra ao anatin’ilay hetsika 16 andro maneran-tany iadiana amin’ny herisetra mpahazo ny vehivavy ity fanentanana ity. Mbola sakana tsy hahafahana miady amin’ny herisetra moa ny tsy fahasahian’ireo vehivavy sasany milaza ny zava-misy iainany marina noho ny tahony ny vadiny sao dia hampidirina am-ponja.