Sosialy

Ady amin’ny fiovaovan’ny toetr’andro Hamboly hazo eny Behenjy ny FNCLM

Sosialy
Alarobia 06 Martsa 2019

Olana goavana sedraintsika eto Madagasikara ankehitriny ny fiovaovan’ny toetr’andro.

Misy fiantraikany mivantana amin’ny fahasalaman’ny mponina izany ankoatra ny tsy firindran’ny vanim-potoana toy ny teo aloha intsony. Mba hahafahana miady amin’izany ary dia hiara-kirodorodo hifanome tanana hamboly hazo eny Kianja avaratra, Behenjy PK 48 lalam-pirenena fahafito ny federasiona nasionalin’ny klioban’ny lions sy leo eto Madagasikara ( FNCLM) amin’ny sabotsy 9 martsa ho avy izao. Tafiditra ao anatin’ilay teny filamatr’izy ireo manao hoe : manome tanana ny mpiara-belona izay mila izany ny hetsika, hiantsoana ireo mpikambana rehetra manerana ny nosy. Ho an’ireo tsy afaka kosa dia miantso azy ireo hamboly hazo any amin’ny faritra misy azy avy Rtoa Paquerette Ranaivo Trivico, filohan’ny federasiona ho tombontsoa ambonin’ny firenena.

Pati