Sosialy

Ady amin’ny fanilikilihana sy fahantrana Tokony ho isan’andro, hoy ny ATD Quart monde

Sosialy
Zoma 19 Oktobra 2018

Isaky ny 17 oktobra no hankalazana ny andro iraisam-pirenena hiadiana amin’ny fahantrana. Omaly kosa no namaranan-dry zareo avy eo anivon’ny fikambanana ATD Quart monde izany tetsy Analakely.

Efa nisy ny hetsika isan-karazany natao ny alarobia teo toy ny latabatra boribory niadian-kevitra mikasika ny resaka zon’olombelona, ny fijoroana vavolombelon’ny fianakaviana sahirana, fetin’ny zavakanto sy ny maro hafa. Anisan’ny nezahana naranty hatrany ny filana ny atao hoe finiavana hiasa, raha ny fanazavana, ary nezahana nanaporofo izany ny fampisehoana ireo vokatry ny fianakaviana sahirana mikambana ao amin’ity fikambanana voalaza teo ity. Isany ohatra ny fanamboarana fatapera mitsitsy, ny haizaitra, ny peta-kofehy. Tokony ho isan’andro, hoy ny tompon’andraikitra, Prisca Randrianarindriana, no hiadiana amin’ny fanilikilihana sy fahantrana. 25 taona ankehitriny ity fikambanana ity ary 600 isa eo ireo mpikambana manerana ny nosy.

J. Mirija