Sosialy

Ady amin’ny fahantrana Manetsika manampahaizana ny HAFARI

Sosialy
Zoma 27 Desambra 2019

Mamerina hatrany ny fikambanana HAFARI Malagasy tarihin-dRafanomezantsoa Jean Nirina fa tsy misy ohatra ny famoronan’asa

ihany no hahafahana manampy ny isam-batan’olona hiady amin’ny fahantrana eto amintsika. Efa miroso tanteraka amin’izany izy ireo ankehitriny amin’ny alalan’ilay tetikasa fihariana notontosain’ny mpikambana, indrindra fa ireo monina sy nahazo tany any Soaniedanana PK 67 miisa 1500. Nampahafantarin’ny fikambanana omaly ireo manampahaizana sy teknisianina eo anivon’ny fikambanana HAFARI hifanome tanana amin’izany. Anisan’ny asa maika hiantsorohan’izy ireo ny fananganana toeram-piompiana bitro, akoho amam-borona ary kisoa any Soaniedanana izay hiainga amin’ny kelikely. Hitohy amin’ny fiaraha-miasan’izy ireo amin’ny fanjakana izany hahafahana manangana tsena, hopitaly ary sekoly ho an’ireo kilonga madinika, zanaky ny mponina any an-toerana mba hahatamana azy ireo tanteraka. Ankoatra izay dia hiady amin’ny fitakiana ny Nosy Malagasy ihany koa izy ireo na ny îles éparses mba ho tombontsoan’ny Malagasy rehetra. Tsy latsa-danja amin’izany ny fiarovana ny tontolo iainana. Zana-kazo an-jatony no hovolen’izy ireo any Antsahamamy Ambohidratrimo amin’ny 11 janoary ho avy izao.

Pati

)