Sosialy

Partagé sur :
• facebook

Nahita hevitra mifandraika amin` ny ady amin` ny tsy fanjarian-tsakafo ny

holafitry ny injeniera eto amintsika. Nahazo famatsiam-bola mitentina 96 tapitrisa Ar izy ireo nanaovana fikarohana rano fotsiny mikasika ny soanambo tany amin’ny oniversiten’i Canada ka fantatra fa tsara lavitra noho ny foto-tsakafo toy ny vary ny Soanambo noho ireo hery marobe hita ao aminy. Ny Water Aid sy ny ofisim-pirenena miady amin’ny tsy fanjarian-tsakafo no miahy izany voka-pikarohana izany. Sakafo tena miavaka ny Soanambo no sady mitahiry rano amin’ny tany izay hambolena azy ihany koa hahafahana miady amin’ny hain-tany. Araka izany dia hatao tetikasa filamatra eto amintsika ny fanodinana ho lasa lafarinina ny Soanambo amin’ny alalan’ilay “Soanambo for life”. Ny orinasa Soamad izay nitsangana tamin’ny taona 2018 no handray an-tanana izany. Tsiahivina moa fa mamokatra Soanambo 50.000 taonina isan-taona isika any amin’ny faritra Atsimo Atsinanan’ny Nosy. Mahatratra 80.000 taonina mihitsy izany any amin’ny Faritra Atsinanana izay very very fotsiny. Raha araka ny fanazavana azo omaly mantsy dia mahatratra 3.000 m² ny tany rakotra Soanambo ao anatin’ny 50 taona raha mamboly hazo Soanambo iray anio ohatra. Hanampy betsaka ny Water Aid izay mifototra amin’ny resaka fahadiovana sy fidiovana ihany koa ny fisian’ity tetikasa ity hahafahan’ny daholobe misitraka rano fisotro madio.

Pati sy Marigny A.

Tia Tanindrazana

Samia mijoro ho an'i Gasikara.