Politique

Partagé sur :
• facebook

Manara-maso akaiky ny toe-draharaha eto Madagasikarra ireo mpiara-miasa sy mpiara-miombon’antoka, tsy efa fa omaly ihany dia efa namoaka fanambarana momba ny zava-nitranga teny Analakely ka nahafatesana sy naharatrana mpanao fihetsiketsehana ny Masoivoho Amerikanina sy ny vondrona eoropeanina.

Ho an’ny Amerikanina dia miantso ireo ankolafin-kery rehetra hifehy tena tsy hifampiantsy sy tsy hampiasa herisetra , ary koa manamafy fa mila hajaina ny zo hivory am-pilaminana sy ny fanajana n‎y lalàna sy ny filaminana.Ho an’ny delegasionin’ny vondrona  Eoropeanina eto Madagasikara kosa izay ahitana an’i Frantsa, Alemaina ary ny Royaume Uni araka ny soritan’ilay fanambarana ofisialy dia miondrika am-panajana manolona ireo namoy ny ainy, tahaka ny nambaran’ny Amerikanina ihany ary mankahery ireo naratra.Miantso fifampiresahana eo amin’ireo mpifanandrina politika ny Eoropeanina ary manameloka ny fampiasan-kery.Manizingizina ny amin’ny hanatanterahana fifidianana madio sy mangaraharaha ary tsy misy faniliikilihana amin’ity taona 2018 ity ihany koa ny vondrona Eoropeanina no sady mampatsiahy indray mandeha indray ny maha zava-dehibe ny fanajana ny zon’olombelona, ny fahafahana maneho hevitra ary ny fahafahana mivory am-pilaminana.Manan-jo haneho ny heviny ny olona tsirairay ary anisan’ny tena saro-piaro amin’io ny Eoropeanina ka mitaky ny fanajana an’io amin’ireo izy miara-miasa aminy.

RTT

Tia Tanindrazana

Samia mijoro ho an'i Gasikara.