Politique

Victor Hong Ny fihaonan�izy efa-mianaka no alaolana

Politique
Alarobia 26 Oktobra 2011

Tsy misy vahaolana afa-tsy ny fihaonan�izy efa-mianaka, dia i Didier Ratsiraka, Zafy Albert, Marc Ravalomanana ary Andry Rajoelina, sy izay avy amin�ny firehana hafa, izany hoe Ankolafy faha-5, hoy i Victor Hong manoloana ny zava-misy eto amin�ny firenena.

Tsy maintsy hatao io, hoy ihany izy satria na dia atao aza ny fizarana ny toerana dia mbola hanahirana indray raha tsy ireo filohana ankolafy ireo no hifandamina. “Dahalo politika” no manodidina an’i Andry Rajoelina, hoy ihany i Victor Hong kanefa izany dia tsy azo ekena. Tsy nivilivily moa ity filohan’ny fikambanana OFPACPA ity nilaza fa olona nanao trafikana andramena izany ve dia mendrika hitondra firenena ? Heveriny àry fa azo atao tsara ny manisy tovana na fanitsiana iny sori-dalana iny, ka ireo mpitarika ny ankolafy no hanatanteraka izany. Noho izany dia tsy misy afa tsy ny fihaonan’izy efatra ihany no alaolana. Momba ny kandida ho praiminisitra avy amin’ny ankolafy Zafy Albert kosa izay nahabe resaka tato ho ato, nilazana fa avy amina antoko Leader Fanilo, dia nambaran’i Victor Hong fa efa niara-dia tamin’ny profesora Zafy Albert i Beriziky Omer hatramin’ny taona 1991, efa niara-niasa tamin-dRatsiraka sy Ravalomanana ihany koa. Nambarany moa fa na avy aiza na avy aiza rehefa mitovy hevitra dia manaiky izy ireo.

Nangonin’i Soa