Vatomandry

Mahatoky ny fandreseny i Sophie Ratsiraka

Politique
Alatsinainy 03 Jona 2024

Manolotra fisaorana feno ny mponina eto amin'ny distrikan'i Vatomandry manontolo ny tenako

tamin'ny fahamatorana sy filaminana nasehonareo mialoha sy nandritra ary tao aorian'ny fifidianana solombavambahoaka farany teo, hoy ny kandida solombavambahoaka tao an-toerana, Sophie Ratsiraka. Raha ny vokatra eto am-pelatananay azo avy tamin'ny birao fandatsaham-bato rehetra miisa 202 sy ny ampaham-bokatra avy amin'ny CENI dia mahazo 77% mahery amin' ny vato manan-kery ny tenako, hoy izy. Midika izany fa niara-nirona isika rehetra ao anatin'ireo kaominina miisa 21 mandrafitra an'i Vatomandry naneho ny safidintsika. Misaotra amin'ny fitokisana fa tsy handraraka ilom-by an-doha ny tenako ary mbola mila miaraka miandry am-pahendrena ny vokatra ofisialy isika rehetra, hoy hatrany ny tenany, nilaza ho nandresy koa.
J. Mirija