VAKY NY SAMBON-DRAJOELINA

Miala tsikelikely ry mpanao "merci président"

Politique
Alatsinainy 06 Oktobra 2025

Tapitra ny alakamisy 2 oktobra 2025 ilay fe-potoana 3

andro nanambaran'ny Filoha fa hoe ho fantatra ny anaran'ny praiminisitra vaovao.Fa tsy nisy praiminisitra voatendry izany hatramin'ny omaly alahady alina aloha.Mazava ny resaka fa miha marefo ny fitondrana Rajoelina ary porofon'izany ireo mpomba azy mitombo isa isan'andro miala ny sambo dieny mbola tsy rendrika na nisafidy ny tsy hiteny. Tsy tontosa araka ny tokony ho izy ilay hetsika saika natao ny sabotsy teo na dia nampiasana vola aza, efa tonga saina ny olona noraisiny ny vola fa izy tsy nilahatra. Efa tantara sisa ny hoe carnaval miloko orange be mamakivaky tanàna taloha izany.Aiza avy izao ireo minisitra teo aloha sy ireo depiote mpiaro fatratra ny fitondrana. Tsy hita popoka intsony, ireo mpanao facebook mpanasoaso sy mpisolelaka an-dRajoelina, mpanao "merci président" aiza daholo ? Inona moa fa dia vaky ny sambo izany e .
RTT