Tsy misy distrika ho adino…

Mba lalina koa iny nofy alina iny a !

Politique
Talata 21 Mey 2024

Valabalaky ny fetin’ny pantekoty koa moa ka nahita tory tsara hany ka nafana ery izato nofy ririnina.

Tsy hisy distrika ho adino intsony, fa samy hisitraka fampandrosoana avokoa ny faritra rehetra. Vita hono ny làlana makany Ikongo, ny makany Anosibe an’Ala, Marolambo, fa indrindra ilay «autoroute » makany Toamasina,… Tsy kisehoseho ivelany sy vato fototra fa asa tena azo tsapain-tànana. Loza iray loza roa, fa hay mbola nofy ririnina koa. Inona ny fitarainana tsy nataon’ny tany Ikongo : làlana, hanoanana, fahantrana,… Hatramin’ny vary anie ka nozaraina madco e, ny menaka nozaraina tamin’ny sotro,… Tena tsy hitan’ingahirainy izany hatramin’izay fa tonga dia fifidianan dia fidio aho hoy izy fa kadô amin’ny tsingerin-taona nahaterahany ! Dia ny tena no menatra ! Sao dia izaho aza no manofy ririnina fa iny razoky iny ?
Tia Tanindrazana