Politique

Tsiry Andriamihantasoa “Mila sahy mandray andraikitra isika!”

Politique
Alatsinainy 15 Jolay 2019

Izaho sahy, isika sahy. Mila mandray andraikitra isika. Ireo fehezanteny ireo, hoy ny mpanao politika,

Tsiry Andriamihantasoa, no hitako manan-danja indrindra ahafahana mandeha haingana eo amin’ny fampandrosoana eto Madagasikara ary noraisiko ho filamatra ihany koa nandritry ny kaongresin’ny antoko Tiako I Madagasikara izay natrehiko tetsy amin’ny Magro Tanjombato ny 12 sy 13 jolay teo. Mila sahy mandray andraikitra isika raha tiana ny handroso. Raisiko ohatra, hoy hatrany izy, ny fahombiazan’ny Barean’ I Madagasikara farany teo. Nisy herim-po niainga tamina olona vitsivitsy tao ary niitatra ka lasa nipaka tamin’ny vahoaka Malagasy manontolo mihitsy avy eo ny hetaheta te hanohana ny ekipam-pirenen’ny baolina kitra ary nahazoantsika an’iny vokatra nahafa-po iny. Hetaheta sy fahasahiana handray andraikitra toy izany no tadiavina amintsika ahafahana mampandroso miaraka an’ i Madagasikara, hoy hatrany izy.

J. Mirija