Politique

Tolom-bahoaka ho an’ny fiovana Mino ny fahatafitany ny ankamaroan’ireo olon-tsotra

Politique
Alakamisy 26 Aprily 2018

Miditra amin’ny andro fahenina anio alakamisy 26 aprily ilay tolom-bahoaka tanterahina etsy amin’ny lapan’ny tanànan’Analakely hanoherana ny kolikoly sy ny jadona natao amboletra teto amin’ny firenena.

Marobe ireo zava-nitranga tao anatin’izay dimy andro izay toy ny nisian’ireo aina nafoy, ireo naratra am-polony mbola manaraka fitsaboana etsy amin’ny hopitaly HJRA Ampefiloha. Mbola mitohy hatrany ny hetsika mandrapahatonga any amin’ny tanjona tiana hokendrena dia ny hanavotana an’i Madagasikara anaty fahantrana lalina sy anaty jadona izay tena tsy zakan’ny maro intsony. Mino ny fahatafitan’ny olona ny ankamaroan’ireo olon-tsotra amin’ny ankapobeny. Ampahany amin’ireny ireto nanaiky nitafa tamin’ny gazety Tia Tanindrazana ireto.

Haja, renim-pianakaviana : Mety ilay tolona satria mitaky fahamarinana sy ny tsy hisian’ny kolikoly ny vahoaka. Tsy ny depiote ihany no mitolona fa ny vahoaka efa reraky ny fahasahiranana ihany koa. Inoana fa raha mitohy io tolona io dia hisy fiovana eto Madagasikara.

Rado, mbola mpitovo : Ireo mpitandro ny filaminana no hitany ho olana kely. Tsy hita mazava ny heviny. Mino ihany aho fa kely.

Pati