Politique

Toe-draharaha politika Andrasana izay holazain’ny “LERA” anio

Politique
Alakamisy 26 Janoary 2023

Anio alakamisy 26 janoary 2023 manomboka amin’ny 10 ora maraina no hanao fihaonana tsy amin’ny Espace Mahatehotia Iavoloha ny “Hetsika LERA”, raha ny fampahafantarana sy fanasana hita niparitaka.

Karazana vovonana politika ahitana mpanao politika maro samihafa, misy olom-boafidy am-perin’asa sy tompon’andraikitra ara-panjakana samihafa teo aloha io, raha ny fahafantarana ireo mpikatroka sasany. Andrasana izay tena ho ambarany amin’io, fa raha ny re sy fantatra efa tao anatin’ny andro maro, dia hirona amin’ny fanoherana ny Fanjakana Rajoelina, ary mety hanatsikafona ireo ambara fa tsy fahombiazan’ny Fitondrana ankehitriny tao anatin’ny 4 taona nitondrany: politikam-panjakana, toekarena, sosialy, fitantanam-bola,… Tafiditra ao anatin’izany ihany koa ny raharaham-pirenena amin’ny ankampobeny, ka hiadiana amin’ny tsy rariny sy ny fangirifiriana mahazo ny vahoaka Malagasy sy ho fisorohana ny krizy rehetra izay mety hisy na mialoha, na mandritra, na aorian’ny fifidianana re fa mety ho ambara fa antom-pijoroan’ity vovonana ity. Andrasana ny ho akony anio sy ny ho tohiny!
Toky R