Tafaverina hitantana an'i Sambaina i Mamisoa R.

"Hiroso isika amin'ny fampandrosoana"

Politique
Alarobia 29 Janoary 2025

Tontosa omaly ny fifamindram-pahefana teo anivon'ny Kaominina ambanivohitr'i Sambaina.

Fisaorana mitafotafo ho antsika vahoaka anaty fokontany miisa 15 nametraka fitokisana tamiko indray hitantana ny Kaominina, hoy ny ben'ny tanana tafaverina indray hitantana ity kaominina ity, Mamisoa Razakantoanina. Hiroso isika amin'ny fampandrosoana ny tanàna, hoy izy, izay mbola angatahina fiaraha-mientana amintsika vahoaka sy mpiara-miombon'antoka tsy ankanavaka. Isaorako manokana ny vady aman-janako , ny fianakaviana, ireo tapaka sy namana sy ireo nanampy rehetra tamin’ny nahatongavana amin'izao toerana izao ary indrindra tsy adinoina ireo rehetra nitrotro am-bavaka. Samia tahian‘Andriamanitra tompoko, hoy hatrany ny tenany.
J. Mirija