Politique

Soavinandriana Itasy Misy ben’ny tanàna manao tsindry hazo lena sy jadona

Politique
Alarobia 15 Martsa 2023

Mitaraina amin'ny afitsoky ny ben'ny tanàna iray any amin'ny distrikan'i Soavinandriana Itasy ny vahoaka, hoy ny fampitam-baovao voaray.

Ampangain'izy ireo ho manao tsindry hazo lena, jadona, ramatahora, sy ny toy izany ity ben’ny tanàna ity. Ny kabarin'ny depiote, ny faran'ny herinandro teo, no nandrenesana fa milaza ho miara-matory amin'ny filoha io olona io rehefa any Antananarivo. Na ry zareo samy ao anaty TGV aza toa tsy mifanara-tsaina amin'io ben'ny tanàna io, noho ireo antony voalaza. Mijoro vavolombelona ihany koa ireo mpitandro filaminana fa ampihorohoroany sy toriany any amin'ny lehibe raha mahatratra azy mandika lalàna, ohatra, amin'ny resaka toaka gasy. Ny tena nahatezitra ny maro dia tsy hay na tsy fahaizana na fanahy iniana fa nivadika ny sainam-pirenena tao amin'ilay kaominina, araka ny hitan'ireo vahoaka, ny zoma 10 marsa teo, hoy hatrany ny fampitam-baovao voaray omaly.
J. Mirija