Soalihy Moussa

«Tsy tombontsoam-pianakaviana no natao ho jeren’ny mpanohitra»

Politique
Zoma 22 Novambra 2024

Aza miheritreritra ianareo hoe mahafaly ny mpitondra ny mahita mpanohitra miady izany,

hoy ny mpahaifiarahamonina sady filozofa, Soalihy Moussa. Tsara ny mifandamina ihany, hoy izy. Ilaina ny mpanohitra to teny na «crédible» manohitra fotokevitra, mitondra praograma. Raha marisarisa toy izany ny mpanohitra dia tsy dia misy endrika demokratika loatra ny firenena iray tsy misy mpanohitra izany. Tokony ho maodely koa satria misy ampahana olona mihaino sy manaradia azy ireo. Ny tena adidin’ny mpanohitra dia mitondra praograma hanoherana ny praograman’ny mpitondra fa tsy sanatria akory mpanohitra dia ny tombontsoan’ny fianakaviany no jereny na ny tombontsoany manokana no antony hanoherany. Tsy tombontsoam-pianakaviana no natao ho jeren’ny mpanohitra. Mila mitondra praograma mijery tombontsoam-pirenena ny mpanohitra. Anjaran’ny olona, noho izany, no mitsara hoe iza no tena mpanohitra raha izay no tena tokony ho andraikitrin’ny mpanohitra anaty firenena iray, hoy hatrany ny tenany.
J. Mirija