Politique

Rivo Rakotovao “Natao hihaino ny fitarainan’ny olona ny loholona”

Politique
Alarobia 04 Septambra 2019

Natao hihaino ny fitarainan’ny olona sy ireo vondron’olona na antoko politika hafa, ny mpahay toekarena, ny ara-tsosialy sy ireo olona hitondra hevitra hanatsarana ny faritra misy azy tsirairay avy ny antenimierandoholona.

Nambaran’ny filohan’ity andrimpanjakana ity, Rivo Rakotovao fa vonona ny hifampiresaka ary azo hiadian-kevitra ny soson-kevitra entin’ireto sarangan’olona nitaraina sy nitondra ny hetahetany teny amin’ity lapa ity, hoy izy. Araka ny fanazavana azo, dia nitsidika tamim-pomba ara-panajana ny filohan’ny antenimierandoholona Atoa Rivo Rakotovao, ny vovonana Rodoben’ny Mpanohitra ho an’ny Demokrasia eto Madagasikara na RMDM, notarihan’ny filoha lefitra ny pasitera Edouard Tsarahame, nandinihana ilay volavolan-dalàna nolanian’ny depiote teny Tsimbazaza, andro vitsy lasa izay. Nambarany fa tsy atao eny an-tsisin-dalana akory ny sata mifehy ny mpanohitra, fa tokony hatao ara-dalàna ny fandinihana izany, izay vao holaniaa. Ilaina ny fifampiresahana, ka antony nihaonan’izy ireo tamin’ny filohan’ity andrimpanjakana ity izany. Mbola hodinihan’ireto mpikambana ao amin’ity lapa maitso ity io lalàna mifehy ny mpanohitra io, vao holanian’izy ireo amin’ny fivoriana manaraka fa tsy atao tefy manta ny fandaniana io volavolan-dalàna hifehy ny mpanohitra io, hoy hatrany ny fanazavana voaray.

Sitraka r.