Randy Donny

«Tsy diso isika fa ny vanim-potoana no tsy mbola tonga»

Politique
Zoma 31 Mey 2024

Nisafidy ny ho resy isika, hoy ny kandida ho solombavambahoaka, Randy Donny.

Resin'ny vola, hoy izy. Resin'ny sakafo masaka. Resin'ny fampahantrana sy ny fanabadoana. Resin'ny hosoka sy ny jiro tapaka eo amin’ilay fotoana tena ilana azy mihitsy. Nisafidy ny handresy izahay fa tsy nifamotoana isika. Ilay koveta fanjonoana hatramin'izay ihany no teo kanefa tsy mitady «excuses» na fialan-tsiny. Tsy mitady diso na «coupable». Isaorako ny ekipako mavitrika tsy nitady tambiny. Isaorako ireo mpifidy tsy nanaiky ny ho resy tsy miady na dia teo aza ny resaka momba ny "fifidianana efa vita mialoha". Tsy diso isika fa ny vanim-potoana no tsy mbola tonga. Efa niady ny ady tsara isika. Sambàra, hoy hatrany ny tenany.
J. Mirija