Politique

Rajoelina tany New York Naka toky vao sahy niteny

Politique
Alarobia 28 Septambra 2011

Nandefa taratasy mialoha tany amin’i Ban Ki-Moon, Sekretera jeneralin’ny Firenena Mikambana, i Andry Rajoelina, filohan’ny FAT, naka toky tamin’itsy voalohany mba hisorohana dieny mialoha izay mety ho olana ara-diplaomatika amin’ny handraisany fitenenana. Ny 19 septambra 2011 no nalefa io taratasy io, ary ny fahavitana sonia ilay tondrozotra niarahan’ireo vondrona sy ankolafy politika samihafa, ary teo ambany fitarihan’ny Troika no nentina nandresy lahatra toa mitaraina mihitsy amin’ny Sekretera jeneralin’ny Firenena Mikambana, sy niangaviana ity farany mba handray ny fepetra samihafa araka ny fitsipika mifehy ity vondrona iraisam-pirenena ity, mifandraika amin’izany mba hahafahany miteny amin’ny anaran’i Madagasikara, nandritra ny fivoriambe faha-66 nataon’ny Firenena Mikambana.

Nangonin’i Jean D.