Raharaham-pirenena

Hiteny ireo Raiamandreny ara-drazana

Politique
Talata 28 Novambra 2023

Mbola mafana tanteraka ny raharaham-pirenena taorian’ny fifidianana nampisara-bazana.

Vao mainka nanamafy ny lonilony politika sy nandavaka lalindalina kokoa hatrany ny tsy fitovian-kevitra. Ny andaniny miziriziry sy mizahozaho ho mpandresy, ny andaniny manamafy fa mitohy ny tolona ary hanerana ny Nosy. Manao ranolava ny fanambaran’ny herivelona samihafa eo anatrehan’ny toe-draharaham-pirenena misy, ka ho an’ny anio dia ireo Raiamandreny ara-drazana indray no hivoaka amin’ny fahanginany manoloana ny zava-misy. Raha tsy misy ny fiovana, hisy ny fanambarana lehibe ataon’izy ireo amina toerana malaza iray etsy Anosy ny andron’ny anio. Andrasana izay hambaran’izy ireo.
Toky R
Sary fanehoana