Prospérin Tsialonina

«Azo tsikeraina ny rafitra misy ankehitriny

Politique
Alatsinainy 19 Janoary 2026

azo ovaina sy hatsaraina…»

Tsy mitombina izao, hoy ny mpandraharaha, Prospérin Tsialonina. Amin’ny anaran’inona no anomezana toerana sy lanja ara-politika ho an’ireo antoko tsy manana depiote, tsy manana ben’ny tanàna ary tsy manana fahazoan-dalana avy amin’ny vahoaka tamin’ny fifidianana, hoy izy? Tsy azo faritana an-taratasy ny maha solontena fa atsangan’ny safidin’ny vahoaka amin’ny alalan’ny fifidianana izany. Ny fandravàna ireo andrim-panjakàna voafidy rehetra ka soloina fanendrena vokatry ny fifanarahana politika, tsy fanorenana izany fa fanapahana tampoka ny demokrasia. Azo tsikeraina ny rafitra misy ankehitriny, azo ovaina sy hatsaraina. Ara-dalàna tanteraka izany saingy tsy hampiorina ny demokrasia ny fametrahana azy an-jorony, indrindra, raha omena sehatra mihoa-pampana ireo antoko tsy manana fototra sy fanohanana avy amin’ny vahoaka. Miala tsiny fa ity karazana fandaminana ity dia toa vazivazy amin’ny faran’ny herinandro mihoatra noho ny tetikasa matotra ho an’ny hoavin’ny firenena, hoy hatrany izy mantsy ireo antoko politika miisa 103 voalaza fa nanasonia fifanarahana politika tetsy Mahamasina ny faran’ny herinandro teo.
Nangonin’i J. Mirija