Politique

Praiminisitra Ravelonarivo Jean Mangina tsy andrenesam-baovao

Politique
Alatsinainy 23 Novambra 2015

Omaly hariva dia tsy nitsahatra izahay tato amin�ny gazety Tia Tanindrazana no nangata-baovao teny anivon�ny fiadidiana ny primatiora momba ny praiminisitra any ivelany any.

Na ny tompon’andraikitry ny serasera na ny miandraikitra ny harofenitry ny primatiora dia samy tsy nisy nandray antso an-tariby na dia nisy naneno aza. Tsy te hiresaka amin’ny mpanao gazety ve sa misy inona afenina ? Ny tranga toy izany ihany no tsy mampandeha ny asan’ireny andrim-panjakana sy sampan’asa samihafa ireny. Tia afinafina ! Tsy tokony hanana zo hahafantatra ny toe-pahasalaman’ny praiminisitra izay mitondra azy sy andaniany vola ve ny Malagasy tsivakivolo ? Atoa Rakotomanana Honoré izay mpanolotsain’ny praiminisitra no nandray ny antso ary nanambara fa tokony hiandry am-pitoniana ny Malagasy. Matoa tsy misy vaovao avy any Frantsa dia milamina ny any izay. Na izy koa aza, araka ny nambarany, tsy manam-baovao. Dia mampaninona ny talen’ny seraseran’ny primatiora ny manao izay fanambarana izay ? Atoa Rakotomanana Honoré hatrany no manamafy fa sady manara-maso ny toe-pahasalamany ny praiminisitra Ravelonarivo Jean no manararaotra manao ny asany ihany koa. Izany no niantsoany ny talen’ny kabinetrany any Frantsa, hoy izy.

Andry Ratovo