Politique

Praiminisitra Ntsay Christian “Vonona handoto ny endrik’i Madagasikara”

Politique
Talata 08 Novambra 2022

Tsy mitsahatra ny taratasy avy amin’ireo firenen-kafa mikasika ny raharaha Kamarady Sento mankany amin’ny praiminisitra lehiben’ny governemanta malagasy, Ntsay Christian, hoy ny Randrana sendikaly.

Mitaky ny famoahana ny Kamarady sento ireo, hoy ny sekretera jeneralin’ny Randrana sendikaly, Barson Rakotomanga. Nalefa any anivon’ny minisitry ny asa sy tompon’ny orinasa koa izany. Efa miverina miasa izao ny mpiraki-draharaha dia miandry isika. Ny mpisolovava koa efa manao ezaka mitondra ny dosie eny amin’ny fitsarana. Ny tena zava-doza ao anatin’ilay izy dia raha miziriziry toy izao izany ny praiminisitra dia efa vonona handoto ny endrik’I Madagasikara ary amin’ny fihaonamben’ny sampana iraisampirenena momba ny asa any Genève amin’ny 2023. Izao tontolo izao no efa manameloka iny didy famonjana ny kamarady Sento iny, hoy hatrany ny fanazavan’ny Randrana sendikaly.
J. Mirija