Politique

Pr Zafy Albert Mitaky ny handravana ireo andrim-pajakana rehetra

Politique
Alarobia 19 Oktobra 2011

Naneho ny heviny mikasika ny ho fanendrena ny Praiminisitry ny marimaritra iraisana ny filoha teo aloha, ny Pr Zafy Albert. Aminy dia ireo filoham-pirenena telo, Didier Ratsiraka, Marc Ravalomanana ary izy tenany, miaraka amin’ny filohan’ny FAT, Andry Rajoelina, no tokony hifanaraka amin’izany, mandritra ny fivoriana iraisana tanterahana eto Madagasikara. Io fivoriana an-tampon’ireo filoha efatra ireo koa amin’ny no hananganana ny governemanta. Hentitra ny Pr Zafy nilaza fa mamoaka ny didy fanendrena fotsiny ihany no hataon’i Andry Rajoelina fa tsy mbola hisafidy indray. Mandrapahatonga izay dia takiany ny handravana ny andrimpajakana rehetra najoron’ny FAT, toy ny CT, CST, CENI ary CMDN ho fampiharana ny tondrozotra.

Nangonin’i Jean D.