PATRICK RAHARIMANANA

Arahi-maso ara-pitsarana, rehefa avy notazonina 8 andro

Politique
Talata 04 Jona 2024

Tamin'ny raharaha namoahana ny fandaharam-potoanan'ny Filoham-pirenena

hitsidika ireo faritra maromaro teto Madagasikara, dia notazonina nandritra ny 8 andro, natao fanadihadiana i Patrick Raharimanana, Talen'ny famoaham-baovao Gasypatriote.
VOAHAJA NY ZONY
2 andro teny amin'ny sampana heloka bevava an’ny zadarimariam-pirenena Fiadanana, ary 6 andro teny amin'ny sampana heloka bevava an’ny polisim-pirenena Anosy.Tsy nisy fampiasan-kery na herisetra nandritra ny fotoana rehetra nihazonana azy, hoy izy ary feno fanajana tokoa ireo Zandary sy Polisy nanao ny asany, izay isaorana azy ireo.
MIANDRY FITSARANA
Mahatoky ny Fitsarana amin'ny tohin'ny raharaha, ary miandry am-pitoniana ny fotoam-pitsarana aho,hoy i Patrick Raharimanana .Nisaotra ireo rehetra na teto an-toerana na tany ivelany nanampy, nanohana ary indrindra fa nitondra am-bavaka azy i Patrick Raharimanana.
RTT