Politique

Partagé sur :
• facebook

Mbola nohamafisin’ny pasitera Edouard Tsarahame fa hiasa ho an’ny firenena no nifanarahana tety an-kianja ka nimatimatesana hatramin’izao ny fitakiana ny fiverenan’ireo sesitany any ivelany sy ireo gadra politika isan-tsokajiny.

 “Tsy nitandro hasasarana tamin’izany fa nanao ny ainay tsy ho zavatra izahay”, hoy izy, ary tsy miala amin’ny tanjona nifanarahana. Tsy hoe ny mikabary eto an-kianja ihany akory no asa atao fa misy andraikitra hafa tokony hosahanin’ny rehetra koa. Nisy, hoy izy, iraka manokana nampanaovina anay ny 4 novambra ka tao ny delegasiona nandeha teny amin’ny fonjaben’i Tsiafahy nijery akaiky ireo gadra politika tena marary tokoa eny an-toerana ka nanatitra fanafody ho azy ireo. Nisy ihany koa ny delegasiona nanatona teny amin’ny ministeran’ny atitany saingy tsy voarain’ny tompon’andraikitra tao fa mbola hiverina any amin’ity alatsinainy 7 novambra ity. Hanontany mikasika ilay fandrarana ny fanaovana fihetsiketsehana manerana ny distrika rehetra eto amin’ny Nosy no anton-dia amin’izany. Tsy misakana ny fitohizan’ny tolona eto amin’ny Magro tsy akory izany fa eto hatrany isika, hoy izy, ary tsy miala eto raha tsy mody i Dada. Mifankatia isika ka rariny ianareo raha saro-piaro amin’ny tsy fahatongavanay an-kianja, hoy izy. Dia nambarany ihany koa fa tsy misaraka amin’ny ankolafy 3 izany ny ankolafy Zafy ka ho avy ao amin’ny kianjan’i Magro tsy ho ela ny Pr Zafy hitondra fanazavana ho an’ny rehetra.

Manohy

Tia Tanindrazana

Samia mijoro ho an'i Gasikara.