Politique

Orlando Robimanana Tafiditra tamina raharaha kolikoly avo lenta

Politique
Zoma 23 Martsa 2018

Voarohirohy tamin’ny raharaha kolikoly misy hidiran’i Claudine Razaimamonjy sy ny minisitry ny vola sy ny tetibola teo aloha Jean Razafindravonona ihany koa ny tale jeneralin’ny Tahirimbolam-panjakana teo aloha Orlando Robimanana noho ny resaka famoaham-bola mitentina 400 828 000 Ar nandoavana ny faktiora mitondra ny laharana 012/2014 sandan’ny fanavaozana fotodrafitrasan’ny INTP teny Antanetibe ny 05 janoary 2015.

Ny minisitra teo aloha no voatazona vonjimaika any am-ponja fa ity tale jeneraly teo aloha ity kosa dia voalaza fa efa nohadihadiana teny an-toerana, saingy nahazo fahafahana. Heverina fa anisan’ny namoaka sy nikirakira ny vola tamin'izany fotoana ny tenany amin’ny maha tompon’andraikitra voalohany azy tao amin’ny tahirimbolam-panjakana,. Nofitahina ve ity tompon’andraikitra ity tamin’izany sa tratry ny tsindrin’ny lehibe ? Raha hidirana kely ny resaka politika, dia efa nisy ny resaka nivoaka fa mety ho kandida filoham-pirenena ary anisan’ny tena manana ny ampy raha ara-bola i Orlando Robimanana. Re indray andro vitsy lasa izay fa hoe nihemotra ny tenany. Misy ifandraisany amin’ity raharaha kolikoly ity ve io fihemorany io sa noho ny antony hafa mihitsy ?

Toky R