Politique

Partagé sur :
• facebook

Nihazo an’i Burkina Faso omaly ny praiminisitra teo aloha Jean Omer Beriziky. Izy no notendren’ny vondrona afrikanina hitarika ny mpanara-maso ny ho fizotry ny fifidianana izay ho filoham-pirenena any an-toerana ny alahady ho avy izao.

Nihaona tamin’ny  mpanao gazety ity praiminisitra teo aloha ity ary naneho ihany koa ny alahelony  amin’ny tsy fahatomombanan’ny fanomanana ny fifidianana loholona izay hatao eto Madagasikara  ny 29 desambra  ho avy izao. Tsy  mety io fametrahana biraom-pandatsaham-bato  isaky ny kaominina io, hoy ny  nambarany,  satria tsy voahaja intsony ny fahaleovantenan’ny mpifidy. Ho mora ny mamantatra  izay vato  halatsaky ny mpifidy, hoy hatrany ny  praiminisitra teo aloha Jean Omer Beriziky. Tsy maintsy  hifidy  izay antoko atahorany ny ben’ny tanàna sy ny mpanolotsaina mba tsy hahitany fahasahiranana amin’ny fanatontosany ny asany. Manoloana izany  toe-javatra  rehetra izany dia  nanambara ny hanoratra  taratasy any  amin’ny fianakaviambe  iraisam-pirenena  ny tenany mba hampahafantatra azy  ireo ny toe-java-misy eto Madagasikara izay  mifanohitra tanteraka amin’ny sata repoblikanina sy ny fanajana ny demokrasia. Atoa Jean Omer  Beriziky dia kandidà  hofidiana  loholona any  amin’ny faritanin’i Antsiranana amin’ny alalan’ny fikambanana  Mamimad   izay tarihin’Atoa   Imbiky Anaclet, minisitry ny Fitsarana tamin’ny andron’ny  Amiraly  Ratsiraka.

Andry Ratovo 

Tia Tanindrazana

Samia mijoro ho an'i Gasikara.