Politique

Msoivohon’ny Vondrona Afrikanina Miantso fitoniana sy filaminana

Politique
Zoma 17 Martsa 2023

Mifanarana ny andraikitra maha solontena manokan’ny Filohan’ny Kaomisionina Afrikanina eto Madagasikara an-dRtoa Hawa Ahmed Youssouf, rehefa niasa teto Madagasikara nandritra ny 9 taona angarangidina.

Midika fa mahalala tsara ny zava-misy na ara-politika na ara-toekarena na ara-tsosialy eto Madagasikara izy, raha raisina amin’izany. Tonga nanao fitsidihana fanaovam-beloma ny Praiminisitra Ntsay Christian teny Mahazoarivo ity diplaomaty ity omaly 16 martsa. Nifantohan’ny fihaonan’ny roa tonta ny jery todika mahakasika ireo fiaraha-miasan’i Madagasikara sy ny Vondrona Afrikana. Manoloana ny toe-draharaha misy eto, naneho ny faniriany ny hisian’ny fitoniana sy filaminana eto amin’ny firenena, indrindra fa amin’ny lafiny politika mba ahafahana miroso lalindalina amin’ny lafiny fampandrosoana Rtoa Hawa Ahmed Youssouf. Nandefa hafatra manokana ho an’ireo mpanao politika mba tena ho tonga saina sy hijery ny tombotsoa ambonin’ny vahoaka sy ny firenena. Tetsy andaniny, nanome toky ny amin’ny hijerena akaiky ny fanomanana sy ny hanatanterahana ny fifidianana ny Lehiben’ny governemanta.

Toky R