Mponin’Avaradrano

Partagé sur :
• facebook

Solombavambahoaka sahy hitondra mankany amin’ny fanovana hisian’ny hoavy tsara kokoa no

hofidiana amin’ny faha-29 mey izao, hoy ireo mponina tao amin’ny Kaominina Anjeva. Vahoaka izay anatin’ny fahasahiranana lalina ankehitriny vokatry ny tsy fahaiza-mitantan’ny mpitondra. Manana olona efa nitolona hisian’ny fanovana ary vonona hanohy izany, tsy ho mpananga-tanana fotsiny ary tsy voavidy vola ny avy amin’ny Kolekitifa an’ny malagasy, tarihin’ny kandida Hajo Andrianainarivelo eny Avaradrano.
AIZA ILAY HOE SOSIALIM-BAHOAKA E ?
Adino ny tena mahasoa ny vahoaka fa ny mahafinaritra no atao laharam-pahamehana ka isan’ny mahatonga ny Malagasy an-tapitrisany latsaka anaty fahantrana lalina .Tena tsapan'ireo mponina teny Anjeva Gara izany ka niantsoantsoan'izy ireo hoe aoka mba depiote tena hijoro amin'ny heviny hiaro ny tombotsoa iombonana fa tsy mpanara-drenirano fotsiny no hiditra eny amin'ny Antenimierampirenena.Nijanona ho resabe ilay fitsinjovana ny sosialim-bahoaka fa tsy nisy fanatanterahana, dia io fa mitazam-potsiny ihany koa ireo solombavambahoaka maro an’isa izay tokony handon-databatra anefa manoloana izao fahasahiranam-bahoaka izao. Ankehitriny, resy lahatra ny vahoaka fa ilaina ny fanovana fa tsy zaka intsony zava-misy ankehitriny izao.
SAHY SADY VONONA
Niditra tamin’ny andro fahaenina ny fampielezan-kevitra amin’ity fifidianana Solombavambahoaka ity. Ho an’ny Kandida avy amin’ny Kolekitifa an’ny Malagasy eto amin’ny distrikan’Avaradrano, tarihin’ny kandida Hajo Andrianainarivelo, isan’ny nivoitra nandritra ireo fitetezana ny fokontany sy Kaominina izay fa Sahy ny kandida laharana faharoa, vanona ary vonona hitondra ny fanovana hanorenana hampitso tsara kokoa ho an’ny Malagasy, ary atomboka ao amin’ny Distrikan’Avaradrano ny fanovana an’i Madagasikara. Nangonin'i RTT
 

Tia Tanindrazana

Samia mijoro ho an'i Gasikara.