Politique

Mpitondra sy mpanohitra Manao resaky ny moana sy ny marenina

Politique
Talata 07 Martsa 2023

Andaniny, ataovy ny fikaonandoham-pirenena! Ankilany, fifidianana ihany no vahaolana akana fitondrana amin’ny fomba demokratika sy hahafahana mandray ny hevitry ny vahoaka.

Dia samy mifandrirotra eo ny roa tonta. Ny mpanohitra milaza fa hanasa tanana raha tsy vita ny fikaonadoham-pirenena. Ny mpitondra hatreto tsy hita ho miresaka azy io mihitsy kanefa koa tsy hita be ihany manoloana ny fikarakarana ity fifidianana ity. Mbola adihevitra ny hoe ohatrinona ihany izany ny vola efa eo am-pelatanana mikasika ny fanomanana izay fifidianana izay? Ilay hoe 20% anjaran’ny fitondram-panjakana ve mbola sorabola sa efa ao anaty kitapom-bolan’ny CENI? Dia samy mifampihazohazo eo. Tsy hita mazava hatramin’izao izay tena dingana marina efa vita na ny fandrosoan’izany eo amin’ny andaniny sy ny ankilany.
J. Mirija