Politique

Mpitondra fanjakana tsy mihaino vahoaka “Ho mora amin’ny malagasy ny hitsara azy”

Politique
Talata 28 Febroary 2023

Tsapa ankehitriny fa toa tsy mihaino, manentsi-tadiny ny mpitondra fanjakana, hoy ny filohan’ny sendikan’ny mpampianatra mpikaroka sy mpikaroka mpampianatra eto Antananarivo, Pr Sammy Grégoire Ravelonirina,

eny fa na dia misy aza ny minisitera mpiahy sy tomponandraikitra tsy mandry andro, tsy mandry alina manao izay ho afany hanaitra ny mpitondra fanjakana ambony. Mila fitandremana noho izany ny fomba fitakiana. Tsy ny hevitra akory no tsy misy fa nisafidy ny SECES, indrindra, sampana Antananarivo, ny hifampiresaka, ny hitaky am-pilaminana sy haino aman-jery aloha. Raha sanatria moa tsy handray andraikitra ny fanjakana izay fantatra fa handalo fitsaram-bahoaka amin’ny alalan’ny fifidianana amin’ity taona ity dia heverinay fa ho mora amin’ny vahoaka malagasy ny hitsara ireo raha toa ka mbola miheritreritra hirotsaka ho fidiana ny mpitondra fanjakana tsy mihaino ny vahoaka ao aminy, hoy hatrany ny tenany.
J. Mirija