Politique

Mpisehatra politika sy OIF Niresaka momba ny governemanta iraisana

Politique
Alarobia 14 Jona 2023

Niantso ireo mpisehatra politika eto Madagasikara ny teo anivon’ny sampan-draharaha misahana ny tany miteny

frantsay na OIF omaly. Nifanakalo hevitra sy nitady vahaolana mikasika ny toe-draharaha misy eto amin’ny firenena no natao, hoy ny avy eo anivon’ny antoko politika Fitiavana tanin-janaka eto Madagasikara na FTM, izay isan’ny voaasa tamin’ity dinika ity. Voaresaka indrindra ny mikasika ny fifidianana sy ny tsy fandriampahalemana misy eto, hoy ny tatitra. Voaresaka koa ny mikasika ireo rafitra hikarakara fifidianana toy ny CENI sy HCC. Novoizin’ireo mpizaika ny tsy fanarahan-dalàna nataon’ireo andrim-panjakana voalaza teo ireo. Teo ihany koa ny fijerena manokana ny governemanta iraisana entina hikarakara fifidianana. Vondrona politika maro no voahasa ka isan’ny hita teny an-toerana ny C’est lera, RMDM, Panorama, RNR, izay ahitana antoko politika maro ihany koa, hoy hatrany ny fampitam-baovao voaray.
J. Mirija