Politique

Partagé sur :
• facebook

Mampiseho ny fahavononany ny antoko Tiako i Madagasikara amin’izao fanombohan’ny fotoanan’ny fampielezan-kevitry ny fifidianana senatera 2015,

 hoy  Rtoa Olga Ramalason lohalisitry ny kandidà senatera TIM Faritanin’Antananarivo teny Tanjombato omaly. Manaporofo izany ny fanokafan’ny filoha nasionaly, Marc Ravalomanana tenany mihitsy an’izany fampielezan-kevitra izany omaly talata 8 desambra 2015 sy ny fanotronan’ireo ben’ny tanàna sy mpanolotsain’ny tanàna TIM manerana ny Faritany teto Tanjombato ary teo ihany koa ny fanotronan’ireo ben’ny tanàna sy mpanolotsain’ny  tanàna avy amin’ny antoko hafa naneho ny fahavononana hiara-dia amin’ny antoko TIM  amin’izao  fifidianana ho avy izao. Tena vonona  ireo olom-boafidy ireo ary vonona ny hampanjaka ny foto-kevitra hijoroana fa tsy voaviraviram-bola. Ny ahiana fotsiny  dia ny hoe : toa misy ny teritery sy tsindritsindry eny anivon’ireo ben’ny tanàna sy mpanolotsaina TIM any amin’ny misy azy avy any, araka ny tatitra nataon’izy ireo, nefa tsy matahotra akory izy ireo  fa efa vonona ny hiatrika ny fifidianana hatao ary tena vonon-kandresy na dia eo aza ny tsy fankasitrahana loatra ny fombam-pifidianana hatao izay  tsy dia mifanaraka loatra amin’ny demokrasia sy mangarahara noho  ny fanambarana ny vata fandatsaham-bato maromaro avy amin’ny kaominina misy ho eny amin’ny distrika tsirairay avy fa manjary tsy misy ny tsiambaratelon’ny latsa-bato.

Tia Tanindrazana

Samia mijoro ho an'i Gasikara.