Politique

Monja Roindefo Hamory olona eny amin�ny Kianjan�Alarobia

Politique
Alarobia 05 Oktobra 2011

Omaly no tonga teto amin’ny trano fanoratana ny fampitam-baovao avy amin’ny mpiandraikitra ny seraseran’i Monja Roindefo fa nametraka fangatahana any amin’ny fiadidiana ny tanànan’Antananarivo Renivohitra sy ny Prefektoran’ny polisy ity praiminisitry ny FAT teo aloha ity, hahafahany manazava amin’ny vahoaka ny sori-dalana. Izy rahateo dia anisan’ireo mpanao sonia ny tondrozotra ny 17 septambra 2011 teo, ka mahatsiaro ho manana andraikitra hitondra fanazavana, manoloana ny fifandroritana sy ny fandikana amin’izay mahamety azy ny voarakitry ny tondrozotra. Amin’ny sabotsy 08 oktobra manomboka amin’ny 10 ora maraina no kasain’i Monja Roindefo hanaovana io hetsika eny amin’ny Kianjan’Alarobia ity. Andrasana moa izany ho valin-tenin-dry zareo ao amin’ny prefektora, izay solontenam-panjakana eto Antananarivo Renivohitra.

Nangonin’i Jean D.