Mitohy ny làlan’i Penjy hitantana an’Ivato…

Partagé sur :
• facebook

Mizotra araka ny tokony ho izy hatreto ny fampielezan-kevitry ny kandida Penjy Randrianarisoa N°2

ao amin’ny Kaominina Ivato. Miditra amin’ny herinandro farany sy kihon-dàlana farany izany, ka eny amin’ny Foiben-toerany na QG akaikin’ny Horizon Ivato no hifanotronan’ny vahoakan’Ivato sy ny kandida Penjy hanaovana ny faradoboka lehibe. Hisy ny mpanakanto maro hanotrona sy hanafana ny fotoana, raha ny fampahafantarana. Tao anatin’izay tapa-bolana mahery izay, hita taratra ny fiaraha-mientana sy ny fahavononan’ny vahoaka sy ny herivelona samihafa hamerina indray an’i Penjy ho ben’ny tanàna noho ny asa vitany tamin’ny fampandrosoana ity Kaominina izay vavahadin’i Madagasikara ity. Ben’ny tanàna isan’ny nisongadina indrindra tamin’ny fitantanana ny Kaominin’Ivato i Penjy, ary mbola andrandrain’ny vahoaka hanohy izany ao anatin’ny taom-piasana fahatelo. Tena mirotsaka an-tsehatra sy an-tsitrapo ny olona, tsy tambazana vola, fa entin’ny fitiavana sy finiavana hampandany indray an’i Penjy Randrianarisoa. Maro ny zava-bita ary maro no mbola ho tohizana, koa tena mbola mila anao ny vahoka eto Ivato sy ny manodidina arotsay ho azy ary ny vatontsika, N°2 aminy 11 desambra, ho ben’ny tanana indray, hoy ny fiaraha-mientan’ireo vahoaka eny an-toerana. Miangavy ny tompon'andrakitra isan'ambaratongany hanara-maso ny tokontany hifaninana kosa i Penjy Randrianarisoa izay naneho fa misy miseho ho tsy maty manota amin'ireo kandida amin’ny fikasana hanao hosoka samihafa.
Toky R
 

Tia Tanindrazana

Samia mijoro ho an'i Gasikara.