Politique

Minisitra Andry Ramaroson Tsy naaro azy ny fisolelahana...

Politique
Talata 21 Febroary 2023

Tsy voatazona tamin’ny toerany ny Minisitry ny angovo sy ny akoran’afo Andry Ramaroson. Iray amin’ireo Minisitra nosokajian’ny mpanara-baovao ho tompon-dakan’ny fisolelahana sy ny fanaovana serasera ho miasa ny Minisitry ny Angovo sy ny Akoran’afo Andry Ramaroson. Nisy hatramin’ny hoe: nalaina sary nanao ladina an-tany tany Andekaleka. Fatratra tamin’ny fanamboarana ny antsoina hoe: “image” na ny fomba hanatsarana ny hitarafan’ny olona azy avy aty ivelany, saingy tany amin’ny vokatra sy ny fahombiazana aloha dia tsy tena hita taratra, raha tarafina tamin’ny delestazy mandavan-taona. Na teo aza izany, isan’ireo Minisitra toa tratry ny fibedesan’ny Filoha teny imasam-bahoaka noho ny resaka delestazy lava. Misy mihitsy aza ny olon’ny fitondrana milaza fa isan’ny nampijabaka ny Filoham-pirenena tamin’ilay filazana fa afaka 6 ka hatramin’ny 8 volana dia ho foana ny delestazy, araka ilay fampantenana tany amin’ny janoary 2022 I Andry Ramaroson.
Toky R