Mijoro ireo Raiamandreny

«Hanavotra ny firenena no tanjona!»

Politique
Alakamisy 28 Martsa 2024

Raiamandreny maromaro omaly no nanao fanambarana tetsy Tsimbazaza fa tany misy olobe tsy miady zaza.

Mijoro izahay, hoy izy ireo, hampihavana ny zana-drazana rehetra. Na eo amin’ny fitondrana izy na vahoaka tsotra na mpiasam-panjakana na miaramila na mpivavaka, rehefa malagasy iraimanontolo. Miangavy ny raiamandreny avy any amin’ny faribolana avaratra na «Triangle du nord» mba hifandamina isika malagasy fa tsy hisaritaka lava izao. Efa izao no fahantrana mahazo ny firenena dia mbola tsy hifanaraka ihany ve isika? Aoka ny zana-drazana rehetra hifandamina fa tsy hifandrafy amin’ny hevitra tsy mitovy! Hanavotra ny firenena no tanjona, hoy hatrany izy ireo!
J. Mirija