Mihava Tour tany Vangaindrano

Partagé sur :
• facebook

Nahitsy toraka i Jean Jacques Rabenirina ary nanakiana mafy an-dRajoelina nandritra ny Mihava Tour tany

Vangaindrano omaly : tsy nahavita na inona na inona tao an-toerana ny fitondram-panjakana notarihin’io filoham-pirenena teo aloha io, hoy izy. Tsy misy fitsinjovana ny vahoaka fa vao mainka aza ny fampahantrana azy no natao ary mbola tian’ireo mpanohana io filoha teo aloha io ho tohizana hatramin’izao. Hanova ny tantara i Siteny Randrinasoloaniko ary efa manana ny politika hoentina amin’izany hoy i Jean Jacques Rabenirina. Tsy nanatrika ny hetsika tao Vangaindrano omaly moa i Siteny Randrianasoloniaiko ho firecracker amin’ireo kandida filoham-pirenena hitadiavana vahaolana amin’izao kion-dalana eto amin’ny firenena izao. Tsy nihambahamba ny vahoakan’i Vangaindrano nitaraina momba ireo marary azy androany tao anatin'izao Mihava Tour izao .Misedra olana mafy mantsy na ara-tsosialy na ara-toe-karena ny ao Vangaindrano raha ny fitarainana nataon’ireo mponina. Maro ny mpianatra tsy misy mitsinjo tao anatin’izay fitondrana teo aloha izay hoy reo tanora.Tsy ho atao ambanin-javatra io sehatra io ary efa tafiditra ao anatin’ny politikan’i Siteny Randrianasolonaiko hoy i Jean Jacques Rabenirina, Mpandrindra Nasionaly Pro Siteny.Ny olona mbola mifikitra amin’i Andry Rajoelina dia olona te hametraka an’i Vangaindrano ho mosary sy tsy an’asa. Tsy azo ekena intsony ny toy izany hoy izy. Fa anisan'ny tany an-toerana ihany koa ny avy ao amin'ny antoko PSD izay resy lahatra amin'ny kandida laharana faha 13 satria manome vahana ny politikan’ny Kibo dia ny vahoaka voky ka afaka mamokatra.
Nangonin'i RTT
 

Tia Tanindrazana

Samia mijoro ho an'i Gasikara.