Politique

Miha mahazo aina ary tsy mitsaha-mivoatra ny hetsiky ny zanak�i Dada ao Mahajanga.

Politique
Alatsinainy 17 Oktobra 2011

Raha tany anaty ala manga izany teo aloha, dia efa niditra ao amin’ny kianjan’ny Magro ao afovoan-tanàna, ao Mahajanga Be izany ankehitriny. Raha isaky ny sabotsy ny hetsika taloha dia efa in-droa isan-kerinandro, ny alarobia sy sabotsy izany nanomboka tamin’ny herinandro lasa iny. Midika io fa dodona ny hifaranan’ny krizy ny olona. Fifaranan’ny krizy izay midika amin’izy ireo fa fiverenan’ny filoha Marc Ravalomanana an-tanindrazana, tsy misy fepetra.

Raha ny loko tazana tao amin’ny Magro ny sabotsy 15 oktobra teo dia toa efa mitory izany, satria dia nanjaka ny loko manga sy fotsy ary maitso, ankoatra ny fanamiana mitovy nisaloran’ny mpitolona tamin’io andro io. Hetsika tafiditra amin’ny fanomanana ny fiverenan’i Dada rahateo ity. Nisy tamin’io fotoana io ny fanazavana ny votoatin’ny fifanarahana nosoniavin’ireo vondrona politika malagasy, teo anatrehan’ny iraky ny Troika, amin’ny fampiharana ny tondrozotra, nataon’ireo nifandimby nandray fitenenana na ny tao an-toerana na ireo niditra nivantana an-tariby avy aty Antananarivo.

Nangonin’i Jean D.