Politique

Masoivoho Frantsay Veronique Vouland Nanao veloma ny praiminisitra Ntsay Christian

Politique
Zoma 19 Jolay 2019

Noraisin’ny praiminisitra, lehiben’ny governemanta Ntsay Christian tao Mahazoarivo ny Ambasadaoro Frantsay izay niasa sy nonina teto Madagasikara, Veronique Vouland-Aneini omaly.

Nanao fitsidihana fametraham-beloma noho ny fahataperan’ny fe-potoana niasany teto. Nivoitra tamin’ny lahatenin’i Veronique Vouland- Aneini nandritra ny fiarahabany ny praiminisitra tamin’ny andraikitra lehibe notanany tao anatin’ny taona 2018, izay nila nandraisana fanapahan-kevitra ka nahafahan’ny firenena niatrika izany fotoan-tsarotra izany. Nambaran’ity masoivoho ity ihany koa fa maro ny tranga izay nanamarika azy nandritra ny efatra taona niasany teto Madagasikara ka anisan’izany ny fihaonana an-tampon’ny firenena miteny frantsay, izay nampiseho taratra fahombiazan’ny diplaomasia Malagasy eo amin’ny sehatra iraisam-pirenena. Teo ihany koa ny fandraisan’anjaran’i Frantsa tamin’ny ady amin’ny fipariahan’ny valanaretina samihafa.

Toky R