Maso ankavanan’i Andry Raobelina

“Tsy mahita ary mbola manaintaina”

Politique
Alarobia 11 Oktobra 2023

Mifanipaka amin'ny deontolojian'ny fitsaboana ny famoahana tsiambaratelon'ny marary saingy manana adidy

mamaly izany aho, hoy ny kandida ho filoham-pirenena, Andry Raobelina, namaly ny filazan’ny tomponandraikitra voalohany nitsabo azy farany teo teto Madagasikara fa efa afaka miverina mandray ny asa aman’andraikiny izy. “...Araka izay rehefa natao ny fitsirihana, nisy naratra moa izany ny vodimasony vokatr'io toraka io sy ny foto-masony ankavanana izany….”, hoy ny mpitsabo tanaty horonan-tsary voafafa saingy efa naparitaka, hoy ny fanazavan’ity kandida ity. Rehefa maratra ny foto-maso dia tsy tomombana ny fahitana satria misy fahavoazana ao amin'ny ati-maso, feno rà, maro ireo lalandrà madinika tapaka, rovitra ihany koa ilay rentsika antsoina hoe “membrane de Bruch” mandalo “macula”..., hoy hatrany ny famerenany ny fanazavana. Indro ny taratasy fanamarinana avy aminy ihany mirakitra ny fitsaboana natao ka nanaovany sonia tsy fahafahana miasa mandritry ny 30 andro. Ho avoakako eto ihany koa ny fanamarinana avy amin'ireo mpitsabo ahy aty ivelany. Olona tsy handairan'ny tsindry sy ramatahora isan-karazany. Fehiny, tsy mahita ny masoko ankavanana ary mbola manaintaina ihany koa, hoy hatrany i Andry Raobelina.
J. Mirija