Mahajanga

Kandida 2 tratry ny tsindry tsy hanao propagandy

Politique
Alakamisy 05 Desambra 2024

miha mafana hatrany ny toe-draharaha ara-pifidianana amin’izao fotoana izao.

Mandeha ny tsindry samihafa, mitombo ny ahiahy maro lafy, raha tsy hilaza afatsy ny mikasika lisi-pifidianana amin’ny alalan’ny « ordonnance » izay mitombo ny ahiahy amin’ny fanabontsinana ny lisitra ahiana ho amin’ny tombotsoan’antoko na vondron’olona manokana. Raikitra ihany koa ny tsindry politika samihafa. Raha ny vaovao voaray omaly, kandida roa ao Mahanjanga ankehitriny no voalaza fa tratry ny tsindry na hanaovana tsindry mivantana na ankolaka mba tsy hanohy propagandy intsony fa hanohana Kandida hafa. Asa na misy ifandraisany tamin’ny fahatongavan’ny mpitondra ambony sasany tany an-toerana tamin’ity herinandro ity na fifandrifian-javatra ihany ? Tsy vaovao amin’ny tontolon’ny politika sy ny fifidianana eto amintsika ny toa io, fa efa nisy ny tranga tahaka izany toy ny tany Manakara tamin’ny fifidianana solombavambahoaka farany teo.
Toky R