Maha raiamandreny ara-drazana

Mitady ho lasa fampisaraham-bazana ?

Politique
Alakamisy 21 Desambra 2023

Lasa fampisaraham-bazana toy ny fandroritana ny resaka maha

mpanohitra sy mpanohana fitondrana koa ankehitriny ny maha raiamandreny ara-drazana eto Madagasikara. Voizina ny hoe ireto no tena izy na ireto no sandoka. Inona tokoa moa na inona avy no fenitra maha raiamandreny ara-drazana eto amin’ity firenena ity, raha iverenana hatrany amin’ny tantaran’i Madirovalo tany amin’ny taona 1972 tany ho any mihitsy ao amin’ny tononkiran’ny tarika Mahaleo? Iza ihany koa no natao hamaritra hoe ireto no raiamandreny ara-drazana marina dia ireto no tsy izy? Ahoana no hanavahana hoe ireto Tangalamena, ireto Lonaky, ireto Olobe, ireto Ampanjaka, ireto Andriambe sy ny tohiny rehetra? Heverina fa mbola tena adihevitra farany lalina izany ho an’ny sarambabem-bahoaka, indrindra, ireo fiarahamonina an-drenivohitra izay matetika lavitry ny antsoina hoe rafitra nentim-paharazana.
J. Mirija