Politique

Magro Antsirabe Mitohy hatrany ny tolona !

Politique
Zoma 07 Oktobra 2011

Hiavaka tanteraka indray ny hetsika ao amin�ny Magro Avaratsena rahampitso sabotsy 08 oktobra 2011 satria dia ireo fikambanam-behivavy mpandala ny ara-dal�na indray no manomana ny hetsika.

Raha ny fanazavana nomen-dRtoa Ramaherison Hantarivony anisan’ireo mpanomana dia hanomboka amin’ny 10 ora ny fanentanana samihafa izay handraisan’ny mpanakanto Thiera Bruno anjara amin’ny alalan’ny hirahira. Hanomboka amin’ny 01 ora sy sasany kosa ny fotoam-bavaka manokana hangataham-pitahiana ho an’ny tanindrazana sy ny fidiran’ny mpianatra ary aorian’izay ny fandraisam-pitenenana ataon’ireo mpitarika sy mpanao politika mivondrona ao amin’ny ankolafy Ravalomanana sy ireo vahiny nasaina avy aty Antananarivo izay fantatra fa hafonja tanteraka, hitondra fanazavana ny amin’ny fivoaran’ny toe-draharaham-pirenena.

Fantatra ihany koa fa hitafa mivantana amin’ireto vehivavy ireto ny vadin’ny Filoha Ravalomanana amin’io fotoana io ankoatra ny fidiran’ny filoha hanazava ny raharaham-pirenena sy ny fivoarany amin’izao fotoana izao. Hafana indray, araka izany, ny hetsika ao amin’ny Magro Avaratsena izay efa nambaran’ny mpitarika moa fa tsy hiato mihitsy mandrapahatonga ny filoha Ravalomanana eto Madagasikara. Sabotsy indray izany mifankahita.

Caius R.