Lolohona

Nanao fanambaram-panana teny amin’ny HCC

Politique
Talata 23 Janoary 2024

Tonga teny amin’ny Fitsarana Avo momba ny Lalàm-panorenana Ambohidahy omaly

alatsinainy 22 janoary 2024 ny Jeneraly RAVALOMANANA Richard notronin’ireo Loholon’i Madagasikara, nanatitra ny fanambaram-pananany amin’ny maha Filohan’ny Antenimierandoholona ny tenany, araka ny fampahafantarana nataon’io andrim-panjakana io. Izany moa no natao dia ho fanajana ny voalazan’ny ao amin’ny andininy faha 41-n’ny Lalàmpanorenana. Nandritra io no nilazan’ny Filohan’ny Antenimierandoholona fa tany tan-dalàna i Madagasikara ka tokony samy hanaja ny lalàna ny olon-drehetra ary miantomboka amin'ireo tompon'andraikim-panjakàna isan-tokony izany. Na izany aza, hatreto dia dosie mipetraka eny amin’ny HCC fotsiny ihany ny fanambaram-pananan’ireo mpitondra ambony, ka rehefa misy raharaha mety hahakasika azy vao mety hojerena. Tsy mandeha tsy voizina ny fitsarana eo anatrehan’ny tokony hisian’ny fanadihadiana hoe : raha ireo ny fananana nambara tao anatin’ny fananana ny fahefana dia nanao ahoana rehefa niala teo ? Tena tao anatin’ny ara-dalàna ve ny fitomboan’ny haren’ny manam-pahefana iray sa nisy ny kolikoly na fanaparam-pahafena ?
Toky R