Loholona MM Rakotondrainibe Ndriana

Nesorina tsy ho filohan’ny vaomiera sosialy

Politique
Alarobia 25 Oktobra 2023

Noho ny antony ara-politika, mitohy hatrany ny antsonjay ataon’ny mpitondra fanjakana

amin’ireo tsy mitovy firehana aminy, hoy ny fanazavan’ny loholon’i Madagasikara avy amin’ny antoko politika Malagasy Miara-Miainga na MMM, voafidy teto amin’ny faritanin’Antananarivo, izay nesorina tsy ho filohan’ny vaomiera sosialy intsony omaly tolakandro, Rakotondrainibe Ndriana. Tsy mampiova zavatra izany, hoy izy, ary mitohy ny tolona hampanjaka ny fahamarinana eto amin’ny firenena. Raha izay no antony dia raisiko ho voninahitra ny fanesorana ahy ho filohan’io vaomiera io, hoy ihany izy, satria tsy afaka hiray tsikombakomba amin’ny tsy fahamarinana ato amin’ny antenimieran-doholona aho.
J. Mirija