Politique

Laza Razafiarison � Tsy misy azo antenaina amin�io CENI vaovao io �

Politique
Alarobia 04 Novambra 2015

Tsy antenaina hanova zavatra velively ny fijoroan�ny Vaomieram-pirenena mahaleotena misahana ny fifidianana, hoy ny filohan�ny Avotra hoan�ny Firenena Razafiarison Laza. Rafitra maty mantsy no terentsika hampandrosoana ny firenena izay efa olana nitranga nanomboka tamin�ny fitondrana tetezamita.

Efa niainantsika hatramin’ny taona 2009 io olana ara-drafitra tsy niteraka fampandrosoana ho an’i Madagasikara sy ny vahoaka Malagasy io nefa dia mbola mikiry biby manohy izany ihany ny fitondram-panjakana mahefa ankehitriny, araka ny hevitr’ity kandida filoham-pirenena tamin’ny taona 2013 ity. Hiarantsika nahita rahateo ny asa notanterahan’ireo rafi-pifidianana lazaina fa mahaleotena sy ireo vokatra niotazana nanomboka tamin’ny fitsapan-kevi-bahoaka, ireo fifidianana nifanesy filoham-pirenena niaraka tamin’ny solombavambahoaka ary ny fifidianana kaominaly. Tsy voafehin’ny Ceni mihitsy ny fanomanana ny fifidianana amin’ny ankapobeny sy ny zava-misy rehetra eny anivon’ireo fokontany manerana ny nosy izay efa hananan’ny minisiteran’ny Atitany traikefa matevina be.Tokony hijanona amin’ny fikirakirana sy fanangonana miaraka amin’ny famoahana ny voka-pifidianana fotsiny kosa ny andraikitra mafonja takiana amin’ny vaomiera nasionaly misahana ny fifidianana, hoy ity mpanao politika ity.

Ramano F.