Laza Razafiarison

“Tena lavitra ny ezaka mila hatao!”

Politique
Alakamisy 26 Oktobra 2023

Namonjy tsena aty anaty ala aty aho mba hanao “sondage” na fitsapan-kevitra, hoy ny filohan’ny antoko politika RCR,

Laza Razafiarison. Gaga sady menatra ireo mpiasam-panjakana voabaiko hanao propagandy fa tsy nanam-po hifanena tamiko, hoy izy. Hoy ilay lehibeny hoe baiko ny anay Mr Laza. Valin’ny “sondage”, 90%n’ny entana amidy dia tsy novokarina teo an-toerana. Ny vokatra avy ao dia paraky, toaka gasy, voamanga, mangahazo. Ny legioma avy any amin’ny tanan-dehibe daholo. Ny “frippe” no betsaka indrindra. Ny vokatry ny tany zara raha misy. Ny “film” amin’ny CD no be mpitangorona. Ny lasopy sy “composé” no be mpihinana. Ny INSTAT moa nilaza hoe 33% no “sans instruction” na tsy manam-pahalalana ary 52% nandalo “Primaire” na ambaratonga fototra fa izaho nahatsikatitra fa mihoatra ny 50% no “sans instruction” fa nampiresaka olona maro aho. Nividy vary koa aho fa tsy mahay manisa vola ilay mpivady nividianako azy. Tena lavitra zareo ny ezaka mila hatao ah! Tena lavitra, hoy hatrany i Laza Razafiarison.
J. Mirija