Lahatra Andriamahatsangy

“Miandry izay ho avoakan’ny zoma ny etamazaoro politika!”

Politique
Alakamisy 28 Septambra 2023

Hisy ny tatitra ho an’ny vahoaka ho ataon’ireo kandida miisa 11 etsy amin’ny lapan’ny

fanatanjahantena Mahamasina ny zoma izao, hoy ny mpandinika raharaham-pirenena, Lahatra Andriamahatsangy. Ireo fivoriana samihafa niarahana tamin’ny sehatra iraisampirenena sy vondrona na fiarahamonim-pirenena samihafa izany no ho taterina aho, hoy izy. Amin’ny herinandro ambony, raha ny tokony ho izy, no hanomboka ny fampielezan-kevitra. Efa eto an-tanindrazana koa ny filoham-pirenena teo aloha. Hita ny tsy fahazotoany loatra nanatrika fihaonana raha nasain’ny FFKM. Miandry izay ho avoakan’ny amin’ny zoma ny etamazaoro politika rehetra! Raha ny tokony ho izy tsy misy kandida tokony hivoaka ny firenena intsony satria efa anaty vanim-potoanan’ny fifidianana isika fa ilay kandida iray moa izany nandeha nody. Mandalo izy no eto Madagasikara izany raha ny adihevitra mipetraka amin’izao fotoana izao. Tsy misy afa-tsy fifidianana moa na izany aza no azo amahana izao zava-misy izao. Ny fifanarahana politika tokana azo atao dia ny fanovana ny HCC sy CENI. Rehefa voavaha fa tsy hiandany ireo hikirakira fifidianana ireo dia amin’izay no azo atao hoe voavaha ny olana, hoy hatrany ny tenany.
J. Mirija